Komisioni i Pavarur i Mediave (KPM), ka nxjerrë Udhëzuesin për të ndihmuar të licencuarit që të veprojnë në pajtim me Kreun VIII të Ligjit për Zgjedhjet si dhe Ligjin dhe aktet nënligjore të KPM-së gjatë procesit të zgjedhjeve në Republikën e Kosovës.

KPM njofton të gjithë ofruesit e shërbimeve mediale audio-vizuele se gjatë fushatës dhe heshtjes zgjedhore të zgjedhjeve lokale 2021 në Republikën e Kosovës, të licencuarit e KPM-së duhet të veprojnë në pajtueshmëri me legjislacionin e KPM-së si dhe me:

• Udhëzuesin e KPM-së për sjelljen e mediave gjatë zgjedhjeve
• Kreu VIII Ligji nr. 03/L-073 për Zgjedhjet e Përgjithshme në Republikën e Kosovës

Gjithashtu, në pajtim me Ligjin për Zgjedhje, të licencuarit janë të obliguar të dorëzojnë në KPM ditarët për zgjedhje:

• Ditari A terminet pa pagesë
• Ditari B terminet me pagesë

Ditarët plotësohen sipas Udhëzuesit për Ditarët A dhe B për zgjedhjet lokale  2021 dhe dorëzohen në KPM një (1) javë para fillimit të periudhës së fushatës zgjedhore, përfshirë edhe çmimoren e aplikuar gjatë zgjedhjeve.

KOMISIONI I PAVARUR I MEDIAVE